706

Қазақстанға көктем 30 градустық аязбен келеді

Минус 28 градусқа дейін жететінін мәлімдеп отыр.
Фотография - Қазақстанға көктем 30 градустық аязбен келеді

«Қазгидромет» РМК көктемнің алғашқы күнінде еліміздің бірқатар аймақтарында ауа температурасы күрт төмендеп, минус 28 градусқа дейін жететінін мәлімдеп отыр.

«Қазгидромет» РМК берген ақпаратқа сәйкес, ақпанның 28 күні Ақмола, Қостанай, Солтүстік-Қазақстан, Павлодар, Қарағанды облыстарында боран болады деп күтілуде. Оңтүстік батыстан соққан жел жылдамдығы 15-20 м/с дейін, кей жерлерде 30 м/с дейін жетеді деп күтілген.

«Ал 1 наурыз күні температура күрт төмендеп, түнде 15-20, кей өңірлерде 23-28 градус аяз болады.

Шығыс Қазақстан облысында 1 наурызда қар жауып боран соғады, оңтүстік батыстан секундына 23-28 метр жылдамдықпен жел соғады деп болжануда», делінген «Қазгидромет» хабарламасында.

Загрузка...