Ермек Серкебаевтың еңбегі еліміздің ән өнері тарихында, ал есімі халқымыздың жүрегінде әрдайым сақталады

Фотография - Ермек Серкебаевтың еңбегі еліміздің ән өнері тарихында, ал есімі халқымыздың жүрегінде әрдайым сақталады

Мемлекет басшысы Нұрсұлтан Назарбаев КСРО-ның және Қазақ КСР-ның Халық әртісі Ермек Серкебаевтың қайтыс болуына байланысты отбасы мен туған-туыстарына көңіл айту жеделхатын жолдады

218 0

Мемлекет басшысы Нұрсұлтан Назарбаев КСРО-ның және Қазақ КСР-ның Халық әртісі Ермек Серкебаевтың қайтыс болуына байланысты отбасы мен туған-туыстарына көңіл айту жеделхатын жолдады. Бұл туралы Ақорданың ресми сайтынан хабарлады.

Жеделхатта өз дара дауысы арқылы жастай танылған Ермек Серкебаевтың өмір бойы еліміздің басты өнер ордасы - Абай атындағы Қазақ мемлекеттік опера және балет театрында жемісті еңбек еткені атап өтілген.

«Дауысы қандай әсем болса, жаны да сондай сұлу оның орындауындағы қазақтың халық әндері мен әлемдік опера туындыларындағы басты ариялар тыңдаушылардың жанын әрдайым нұрға бөлейтін», - делінген жеделхатта.

Мемлекет басшысы Ермек Серкебаевтың әлемнің көптеген елдері сахналарында өнер көрсету бақытына ие болып, халықаралық аудитория ықыласына бөленгенін атап өткен. Ол консерваторияда ұстаздық ете жүріп, кеңінен танымал болған көптеген шәкірттер де тәрбиеледі. КСРО Жоғарғы Кеңесінің, сондай-ақ Қазақ КСР-ның депутаты болып сайланды. Социалистік Еңбек Ері атағына ие болып, «Отан» орденімен марапатталды.

Қазақстан Президенті Ермек Серкебаевтың еңбегі еліміздің ән өнері тарихында, ал есімі халқымыздың жүрегінде әрдайым сақталатынына сенімін білдірген.

 


Загрузка...

Пікір (0)

Input is not a number!
Input is not a email!
Input is not a number!