Елбасы қайырымдылық жаңа жыл кешіне қатысты

Фотография - Елбасы қайырымдылық жаңа жыл кешіне қатысты

Мемлекет басшысы Нұрсұлтан Назарбаев елордалық жаңа жыл кешіне қатысты

225 0

Мемлекет басшысы Нұрсұлтан Назарбаев елордалық жаңа жыл кешіне қатысты. Іс-шара «Көрме» көрме кешенінде өтті. Кеш аясында жиналған қаражат қайырымдылық мақсатқа бағытталатын болады.

Мемлекет басшысы өз сөзінде жиналған қауымды алда келе жатқан Жаңа жылмен құттықтап, бұл мерекенің қазақстандықтар үшін әрдайым қуанышты оқиға болып саналатынын атап өтті. Биыл халқымыздың еңбексүйгіштігі мен бірлігінің арқасында күллі әлем алдында еліміздің беделі өсіп, оған деген құрмет арта түсті.

– Қазақстан экономикасының өсімі әлем елдері арасында ең жоғарылардың бірі болды, соның есебінен азаматтарымыздың әл-ауқаты артты. Биылғы жылы ауқымды істер, соның ішінде «Қазақстан – 2050» Стратегиясын іске асыру жөнінде көп жұмыс атқарылды, онда біз әлемнің ең дамыған 30 елінің қатарына енуді мақсат етіп қойдық. Біз оған жетеміз деп сенемін. Өтіп бара жатқан жылға зор алғысымызды айтамыз, – деді Қазақстан Президенті.

Сөзінің соңында Нұрсұлтан Назарбаев баршаға бақыт, игілік пен табыс тіледі.


Тегтер:

елбасы

Загрузка...

Пікір (0)

Input is not a number!
Input is not a email!
Input is not a number!