Сенат комитеті мемлекеттік жастар саясаты туралы заң жобасын талқылады

Фотография - Сенат комитеті мемлекеттік жастар саясаты туралы заң жобасын талқылады

Бүгін Парламент Сенаты қаржы және бюджет комитетінің кеңейтілген отырысы болып өтті. Онда «Қазақстан Республикасының мемлекеттік жастар саясаты туралы» заң жобасы талқыланды.

424 0

Бүгін Парламент Сенаты қаржы және бюджет комитетінің кеңейтілген отырысы болып өтті. Онда «Қазақстан Республикасының мемлекеттік жастар саясаты туралы» заң жобасы талқыланды.

Еске салайық, бұған дейін Мәжілісте мақұлданған құжатта мемлекеттік жастар саясатының басты міндеттері мен негізгі бағыттары айқындалып, осы бағыттағы орталық мемлекеттік органдардың құзыреттері бекітілген. Жалпы алғанда, заң жобасының негізгі мақсаты жастардың табысты әлеуметтенуіне бағытталған тиімді мемлекеттік жастар саясатын қалыптастыру үшін заңнаманы жетілдіру, олардың әлеуетін ел дамуына жұмсау болып табылады. Бұдан бөлек, құжатта мемлекеттік жастар саясаты субъектілерінің жұмыс істеуіне құқықтық мүмкіндіктер беру, жастармен тиімді жұмыс істеудің тетіктерін қалыптастыру, жастардың құқықтарын кеңейту нормалары қамтылып отыр.

Сонымен қатар, тұтастай алғанда, заң жобасында мемлекеттік жастар саясатының басты үш міндеті қамтылып отыр. Атап айтқанда, жастардың құқықтары мен заңды мүдделерін қорғау, жастарды елдің әлеуметтік-экономикалық және қоғамдық саяси өміріне тарту, азаматтыққа тәрбиелеу және қазақстандық патриотизмді нығайту көзделеді. Ал мемлекеттік жастар саясатының негізгі бағыттарында олардың ішінде қолжетімді және сапалы білім беруді қамтамасыз ету, ғылыми-техникалық әлеуетті дамыту, денсаулық сақтау, салауатты өмір салтын қалыптастыру, жұмыспен қамту, жастар арасында кәсіпкерлікті дамыту шаралары қамтылады.

Бұдан бөлек, жас отбасылар үшін қолжетімді тұрғын үй жүйесін дамыту, құқықтық мәдениет деңгейiн арттыру, сыбайлас жемқорлық көрiнiстерiне төзбеушiлiкке тәрбиелеу, экологиялық мәдениеттi қалыптастыру, талантты жастардың қабілетін дамытуға жәрдемдесу және бос уақыт пен мәдени демалыс үшiн жағдай жасау мәселелері де көзделіп отыр.

Заң жобасы палатаның жалпы отырысына шығарылады.

 


Загрузка...

Пікір (0)

  • Кіру
  • Тіркелу
  • Құпия сөзді ұмыттыңыз ба?