Бүгін елімізде аптап ыстықтың беті қайтады

Фотография - Бүгін елімізде аптап ыстықтың беті қайтады

Бүгіннен бастап еліміздің басым аумағында орын алған аптап ыстықтың беті қайтады деп хабарлады "Қазгидромет"

144 0

Бүгіннен бастап еліміздің басым аумағында орын алған аптап ыстықтың беті қайтады деп хабарлады "Қазгидромет". Ресейдің солтүстік-батысынан келген атмосфералық ағындар еліміздің батысы мен солтүстігіне жауын-шашын алып келіп, ауа температурасы әдеттегі нормадан 2-5 градусқа дейін төменгдеп кетті дейді синоптиктер.

Олардың айтуынша, еліміздің батысы мен солтүстік облыстарында 21-23 шілде күндері аралығында өтпелі жаңбыр жауады. Мұнан кейін суық атмосфералық фронт Қазақстанның орталық, оңтүстік және шығыс аймақтарына қарай ығыспақ. Бұл өңірлерде өткен аптадан бері сақталған 40 градустық ыстықтың беті қайтып, температура әдеттегі нормадан 1-3 градусқа дейін төмендейді.

Айта кетейік, соңғы күндері еліміздің барлық облыстарында дерлік аптап ыстық сақталуда. Алматы мен Алматы облысында осыған байланысты өрт қаупі жарияланды. Қаланың өзінде ауа термометр бағаны 43 градусқа дейін көтерілген. Ал, Оңтүстік Қазақстан және Қызылорда облыстарында бұл көрсеткіш 46 градусқа дейін жеткен болатын.

 

 

baq.kz сайтынан

 



Загрузка...

Пікір (0)

Input is not a number!
Input is not a email!
Input is not a number!