Балаларға қатысты зорлық-зомбылықтың алдын алу үшін арнайы психологтар дайындалуда

Фотография - Балаларға қатысты зорлық-зомбылықтың алдын алу үшін арнайы психологтар дайындалуда

Бұл туралы бүгін Орталық коммуникациялар қызметінде Отбасы тәрбиесі институтының бас директоры Софья Евдокимова мәлім етті.

487 0

Қазақстанда балаға қатысты зорлық-зомбылықты алдын алу үшін арнайы психологтар дайындалуда. Бұл туралы бүгін Орталық коммуникациялар қызметінде Отбасы тәрбиесі институтының бас директоры Софья Евдокимова мәлім етті.

"Бес жыл ішінде Институттан мыңдаған ата-ана мен бала өтті. Маскүнемдік, кәмелеттік жасқа толмағандарға қатысты күштеу мен озбырлық сияқты әлеуметтік мәселелердің барлығы отбасыдан. Ата-ананың тәрбие білімінің жоқтығынан. Біз олардың білім көкжиегін кеңейтіп, бала тәрбиесінде көмектесу үшін өз мамандарымызды тартып келеміз", - дейді С. Евдокимова.

Оның атап көрсеткеніндей, осы мақсатта отбасылық қарым-қатынастарға маманданған психологтардың біліктілігін арттыру жұмыстары жасалуда.

"Біздің институт психологтардың білігін жетілдіретін орталық ашты. Елімізде білім беру саласында шамамен 12 мыңнан астам психолог бар екен. Ал біздің институтпен 1700 психолог даярланды. Бұл Қазақстанда отбасылық мәселелерді алдын алу бойынша жасалып жатқан жұмыстардың тек бір парасы ғана. Біздің қателігіміз сол, елде отбасылық тәрбие кафедрасы болмады, бүгін сол олқылықты біртіндеп түгендеп келеміз", - дейді ол.

 

 

ҚазАқпарат



Загрузка...

Пікір (0)

Input is not a number!
Input is not a email!
Input is not a number!