Қазақстан мұнайы әлемдік нарыққа жоғары бағамен сатылып жатыр

Фотография - Қазақстан мұнайы әлемдік нарыққа жоғары бағамен сатылып жатыр

Бүгін Орталық коммуникациялар қызметінде өткен брифинг барысында журналистер сауалына жауап берген Энергетика бірінші вице-министрі Ұзақбай Қарабалин осылай мәлімдеді

175 0

Қазақстан мұнайы әлемдік нарықта жоғары бағамен сатылуда.  Бүгін Орталық коммуникациялар қызметінде өткен брифинг барысында журналистер сауалына жауап берген Энергетика бірінші вице-министрі Ұзақбай Қарабалин осылай мәлімдеді.

 "Қазақстанның мұнайының экспорттық бағасына келсек, қазіргі күні бұл барреліне шамамен 54,3 долларды құрайды. Жалпы мұнай сатылғанда мұнайды тасымалдау заңнамасына сәйкес, бекітілген бағадан көп мөлшерде төмен түсіруге рұқсат етілмейді. Бұл бақылауда тұрады. Сол тұрғыдан алсақ, Қазақстанның мұнайы қашанда жоғары бағамен кетіп жатыр", - деп атап өтті Ұзақбай Қарабалин.

Бұдан бөлек, вице-министр "ҚазМұнайГаз" компаниясы өзіне тиесілі жанар-жағармай стансаларын жекеге сатады» деген ақпаратқа да түсінік беріп өтті.

"ҚазМұнайГаз" акционерлік қоғам болғандықтан, мемлекет қазынасының қарауындағы қоғам. Сондықтан олардың шешімі қабылданып жатса, бұл нарыққа әсер етіп, елде жанармай  тапшылығына ұшыратпайтын болса,  бұл олардың өздерінің құқы болып табылады. Дегенмен, бізге қазір ондай ақпарат түскен емес. Мәселе қойылса ол үкімет органдарында да талқыланып қаралуы тиіс", - деді Ұ. Қарабалин.

 

 

ҚазАқпарат



Загрузка...

Пікір (0)

Input is not a number!
Input is not a email!
Input is not a number!