747

Елбасы Си Цзиньпинді Бейжіңнің жеңісімен құттықтады

Нұрсұлтан Назарбаев ҚХР Төрағасына қысқы Олимпиада ойындарын табысты өткізуге, ал достас Қытай халқының бақ-берекесі артып, гүлдене беруіне тілектестік білдірген.
Фотография - Елбасы Си Цзиньпинді Бейжіңнің жеңісімен құттықтады

Бүгін, 31 шілде күні Қазақстан Республикасының президенті Нұрсұлтан Назарбаев Қытай Халық Республикасының төрағасы Си Цзиньпинді Бейжіңнің 2022 жылғы қысқы Олимпиялық ойындарды өткізу құқығын жеңіп алуымен құттықтады. Бұл туралы Ақорданың баспасөз қызметі хабарлады.

Осыған байланысты Елбасы Қытай лидерінің атына құттықтау жеделхатын жолдаған.

"Олимпиялық ойындарды жоғары дәрежеде ұйымдастыруды қамтамасыз ету үшін барлық күшін жұмылдыратынына, сондай-ақ халықтар достығы мен бейбітшілікті одан әрі нығайта түсуге үлес қосылатынына сенімдімін", – деп атап өтілген құттықтауда.

Нұрсұлтан Назарбаев сондай-ақ ҚХР Төрағасына қысқы Олимпиада ойындарын табысты өткізуге, ал достас Қытай халқының бақ-берекесі артып, гүлдене беруіне тілектестік білдірген.

Айта кетуіміз керек, Куала-Лумпурде Халықарлық олимпиада комиеті 2022 жылғы қысқы Олимпиаданы Бейжіңде өткізу туралы шешім қабылдады. 

Загрузка...