Қазақстандық ӘТК жауынгерлік кораблі теңіз биатлонында екінші орынды қанжығасына байлады

Фотография - Қазақстандық ӘТК жауынгерлік кораблі теңіз биатлонында екінші орынды қанжығасына байлады

Каспий теңізінің су айдынында "Каспий теңізі – 2015" алғашқы халықаралық теңіз дағдысы байқауы мәре сызығына келіп жетті.

280 0

Каспий теңізінің су айдынында "Каспий теңізі – 2015" алғашқы халықаралық теңіз дағдысы байқауы мәре сызығына келіп жетті. "Сарыарқа" қазақстандық зымыран-артиллериялық кораблінің экипажы сайыста екінші орын алды. Бірінші орында "Град Свияжск» шағын артиллериялық корабліндегі Ресей ӘТК әскери теңізшілері, үшінші орынды Әзірбайжан ӘТК "G-124" суүсті кораблінің экипажы місе тұтты.

Жеребеге сәйкес біздің командамызға байқаудың әрбір сынағын бастау күрделі тапсырмасы бұйырды.
Алайда, бірінші болып өнер көрсетіп, теңізшілеріміз қалған командаларға жақсы деңгей және қарқын берді және сайыс бойы көшбасшылық позициялардың бірін ұстап тұрды.
Олар корабльді басқару, халықаралық жүйеге сәйкес жарық беру белгілерін қабылдау және тарату, әуе, теңіз және суүсті нысаналары бойынша оқ ату, апатқа ұшыраған корабльді және борттың ар жағында қалып қойған жолаушыларды құтқаруда шеберліктерін көрсетті.
Қазақстан Әскери-теңіз күштерінің теңізшілері олардың алғашқы тәжірибесі халықаралық сайысында сәтті өнер көрсетіп, өздерінің жауынгерлік әзірлігін растады.
13 тамызда "Каспий теңізі – 2015" байқауының жеңімпаздарын марапаттау салтанатты рәсімі өтетінін айта кетейік. Ал одан кейін корабльдеріміз теңізге шығып, қазақстандық жағалауға жөнелтілетін болады.

 

 

 



Загрузка...

Пікір (0)

Input is not a number!
Input is not a email!
Input is not a number!