Елбасы жұмыс сапарымен Қырғыз Республикасына келді

Фотография - Елбасы жұмыс сапарымен Қырғыз Республикасына келді

Мемлекет басшысы Қырғыз Республикасына сапарлады.

178 0

Елбасы жұмыс сапарымен Қырғыз Республикасына келді, деп хабарлайды Today.kz, Ақордаға сілтеме жасай отырып. Сапар аясында Мемлекет басшысының Президент А.Атамбаевпен кездесуі, сондай-ақ мемлекеттік шекараның Қазақстан-Қырғыз учаскесінде кедендік бақылауды доғару рәсіміне қатысуы жоспарланған. 

Ертеректе айтылғандай 6 тамыз күні Қырғызстан ЕАЭО-ға қосылуы туралы шарт күшіне енді. 

"Кордай" кеденінің ұйымдастыру жұмысы бөлімінің басшысы Роза Рахметованың сөзіне қарағанда, шегарадағы 209 кеденшіні Қазақстанның өзге аймақтарына ауыстырады.

" "Кордайда" қазір шамамен 500 шегарашы бар. Олар жұмыс орындарынан айырылмайды. Қайта, олар үшін офицерлік қалашық салынып жатыр. Штат құрамы ұлғаяды, гвардиялық аймақтан тағы да взвод келеді", - дейді Роза Рахметова

Оның сөзіне қарағанда қазір шегарада адам көптеп жиналуда. Дегенмен, құжат бақылауын жүргізетін шегаралық кабиналар саны артпайды. Қазіргі 10 кабина жұмысын жалғастыра береді.

"Күніне құжат бақылауынан арғы бетке 15-18 мың адам, ал кері қарай 18-20 мың адам өтеді. Жалпы 28-40 мың адам өтеді. Негізінен ол Ыстық көлге демалуға баратын Қазақстан мен Ресей азаматтары", - дейді ол.



Загрузка...

Пікір (0)

Input is not a number!
Input is not a email!
Input is not a number!