Биыл 39 "Алтын белгі" иегері білім грантына ілікпей қалды

Фотография - Биыл 39 "Алтын белгі" иегері білім грантына ілікпей қалды

Бұл туралы бүгін ҚР Білім және ғылым министрлігі Жоғары және жоғары оқу орнынан кейін білім беру, халықаралық ынтымақтастық департаменті директорының міндетін атқарушы Серік Өмірбаев мәлім етті.

225 0

Биыл "Алтын белгіге" ие 39 түлек мемлекеттік білім беру грантына ие бола алмады. Бұл туралы бүгін ҚР Білім және ғылым министрлігі Жоғары және жоғары оқу орнынан кейін білім беру, халықаралық ынтымақтастық департаменті директорының міндетін атқарушы Серік Өмірбаев мәлім етті.

"Бізде 39 "Алтын белгі" иегері грант ала алмады. Мұндай жайт қалай орын алды? Өйткені, бұл санаттағылар әдеттегідей тек мәртебелі мамандықтарға құжат тапсырады. Ал өздеріңізде білетіндей, біз жылдан-жылға экономикалық және заңгерлік мамандықтарға гранттарды азайтып келеміз. Сондықтан да олардың грант ала алмай қалуы мүмкін", - деді ол.

Оның атап өтуінше, еліміздің Білім және ғылым министрі жоғары оқу орындарының ректорларына аталған түлектерге қолдау көрсету туралы өтініш жасаған.

"Енді "Алтын белгі" иегерлері сол жоғары оқу орнына барып, қабылдау комиссиясына өтініш жасауы тиіс. Олардың өтініштерін қабылдау комиссиясы міндетті түрде ректорға жеткізеді. Барлық ректорлар ең алдымен "Алтын белгі" иегерлеріне қолдау көрсетулері тиіс", - деді С.Өмірбаев.

Оның атап өтуінше, мұндай жайт жылда қайталанып отырады. Мәселен, осыдан бес-алты жыл бұрын жүзден астам "Алтын белгі" иегері грантқа іліге алмай қалған болатын. Дегенмен, іс жүзінде олар жаңа оқу жылында белгілі бір жоғары оқу орнына қабылданады.

Кеше, Today.kz Қазақстанда 2015 жылғы білім гранттарының иегерлері тізімі жариялаған болатын.

 



Загрузка...

Пікір (0)

Input is not a number!
Input is not a email!
Input is not a number!