Қазақстан мен Пәкістан тоқыма саласында нақты қадамдар жасайды

Фотография - Қазақстан мен Пәкістан тоқыма саласында нақты қадамдар жасайды

Қазақстан мен Пәкістан тоқыма саласында нақты қадамдар жасайды. Бұл туралы бүгін Ақордада елімізге ресми сапармен келген Пәкістан Премьер-Министрі Наваз Шарифпен кеңейтілген құрамдағы келіссөзден кейінгі бірлескен мәлімдемеде Елбасы Нұрсұлтан Назарбаев айтты

148 0

Қазақстан мен Пәкістан тоқыма саласында нақты қадамдар жасайды. Бұл туралы бүгін Ақордада елімізге ресми сапармен келген Пәкістан Премьер-Министрі Наваз Шарифпен кеңейтілген құрамдағы келіссөзден кейінгі бірлескен мәлімдемеде Елбасы Нұрсұлтан Назарбаев айтты.

Мемлекет басшысы өз сөзінде Қазақстанның Түркіменстан, Иран арқылы Парсы шығанағына шығатын темір жолы Пәкістанның теңіз порттарына шығуға мүмкіндік беретінін атап өтті. «Бұл жағдайды да келістік. Екі жақтағы тиісті лауазымды адамдар бір-бірімен байланысып, екі елдің арасындағы әуе, автомобиль, темір жолдарын жақсылап қарайтын боламыз», - деді Елбасы.

ҚР Президентінің атап өтуінше, Пәкістанда тоқыма өнеркәсібі өте жақсы дамыған. Өнімдерінің үштен екісін әлемдік нарыққа шығарып отыр әрі дүниежүзіне танымал.

«Сондықтан біз бұл салада нақты қадам жасауға келістік. Пәкістанмен тоқыма, фармацевтика, энергетика, әскери техника, ғылым, гуманитарлық салаларда қарым-қатынас жасауға уағдаластық. Ауыл шаруашығы өнімдерін өңдеу, химия,  жеңіл өнеркәсіп, банк секторында бірлесе жұмыс жасау үшін іскерлік кеңесі құрылады», - деді Мемлекет басшысы.

 

ҚазАқпарат


Загрузка...

Пікір (0)

Input is not a number!
Input is not a email!
Input is not a number!