"Ауыл" партиясының басшысы ауысты

Фотография - "Ауыл" партиясының басшысы ауысты

Бүгін Астанада "Ауыл" қазақстандық социал-демократиялық партиясының кезектен тыс X съезі өтті. Оған партияның барлық филиалдарының делегаттары қатысты.

274 0

Бүгін Астанада "Ауыл" қазақстандық социал-демократиялық партиясының кезектен тыс X съезі өтті. Оған партияның барлық филиалдарының делегаттары қатысты.

Съезде көтерілген басты мәселе "Ауылды" партия құрылғаннан бастап 13 жылдан артық уақыт басқарған Ғани Қалиевтің жаңа жұмысқа ауысуына байланысты жаңа төраға сайлау болды.

Партияның жаңа басшысы болып Әли Бектаев сайланды. Ол Парламент Сенатының депутаты және өз уақытында "Ауыл" ҚСДП құрылған кезеңнен бастап ОҚО-дағы партия филиалын алғаш болып басқарды.

"Қазақстанның алдында жан-жақты жаңғыртуды жүзеге асыру, әлемдегі барынша дамыған отыз елдің қатарына кіру міндеттері тұр. Сондықтан "Ауылды" жаңа көзқарастағы, жаңа идеялары мен бастамалары бар көшбасшы басқаруы тиіс", - деп атап өтті Ғ.Қалиев.

Өз кезегінде өңірлік филиалдар өкілдері, атап айтқанда Қызылорда облыстық филиалының басшысы Серікбай Өмірзақов жаңа төрағаның білімі мен тәжірибесі партия ісін алға жетелейтінін атап өтті.


Загрузка...

Пікір (0)

Input is not a number!
Input is not a email!
Input is not a number!