Қазақстанда 21 ұйым экстремистік және лаңкестік деп танылды

Фотография - Қазақстанда 21 ұйым экстремистік және лаңкестік деп танылды

Бұл туралы бүгін елордадағы Тәуелсіздік сарайында өтіп жатқан ТМД-ға қатысушы мемлекеттер Бас прокурорлары үйлестіру кеңесінің 25-ші отырысында ҚР Бас прокуроры Асхат Дауылбаев айтты.

590 0

Қазақстанда 21 ұйым экстремистік және лаңкестік деп танылды. Бұл туралы бүгін елордадағы Тәуелсіздік сарайында өтіп жатқан ТМД-ға қатысушы мемлекеттер Бас прокурорлары үйлестіру кеңесінің 25-ші отырысында ҚР Бас прокуроры Асхат Дауылбаев айтты.

"Сот тәртібімен 21 ұйым экстремистік және лаңкестік деп танылып, олардың қызметіне республика аумағында тыйым салынған. Сонымен қатар сот арқылы Сирия мен Ирактағы лаңкестердің қатарына қосылуға шақырған видеороликтер де заңсыз деп танылды", - деді ол.

А.Дауылбаевтың атап өтуінше, экстремистік мазмұндағы материалдардың ғаламтор арқылы таралуына байланысты шамамен 660 ақпараттық материал мен 700 сайттың өнімдерін жариялауға және таратуға тыйым салынған.

"Қазақстан басқа елдердің тәжірибесі негізінде дәстүрлі емес діни ағымдардың ықпалына ерген адамдарды әлеуметтік оңалту жұмыстарын жүргізуде. Алдын алу шаралары бас бостандығынан айыру орындарындағы діни радикалдардың жартысынан астамының ұстанымдарын өзгертуге септігін тигізді. Дегенмен, экстремизм мен лаңкестік қаупі төмендер емес", - деді ҚР Бас прокуроры.

 

 

ҚазАқпарат



Загрузка...

Пікір (0)

Input is not a number!
Input is not a email!
Input is not a number!