Пвлодарда жоғалып кеткен төрт балалы ана Түркиядан табылды

Фотография - Пвлодарда жоғалып кеткен төрт балалы ана Түркиядан табылды

Жоғалып кеткен отбасы жайында Алматы облысының зейнеткері хабарлаған

407 0

Былтырғы жылы іздеуге берілген Павлодар облысының тұрғыны Ханат Алив Түркиядан табылды, деп хабарлайды pavlodarnews.kz.

Жоғалып кеткен отбасы жайында Алматы облысының зейнеткері хабарлаған. Алтынбек Ахметовтың сөзінше, жақында Анкарада ем алып жатқанда, жергілікті қазақтардан  қайрымдылық ұйымдарының бірінде бір жарым жастан 11 жасқа дейінгі аралықтағы  төрт балаларын ерткен қазақстандық әйелді кездестіруге болатынын естіген.

"Мен бұл отбасын тауып, олардың Павлодардан екенін білдім, - дейді зейнеткер. – Құжаттарына қарадым, әйел мен оның балалалары ресми түрде босқындар дәрежесін алған. Ханат қазір түрік тілінің курсына барып жүр, оның үлкен ұлы Хуат Иват түрік мектебінің бесінші сыныбына дайындалуда, ал сегіз жасар қызы Сара Иват – екінші сыныпқа. Тағы да үш жасар Бейбарыс пен бір жарым жасар Фариза бар. Балалармен сөйлестім, олар үйлеріне қайтқысы келеді".

Ханат Алив пен оның күйеуі Ивата Журагата Қазақстанға 11 жыл бұрын Моңғолиядан көшіп келген. Павлодарда олардың 15 жасар үлкен қызы қалды, ол жастайынан әкесінің қолында өскен екен, қазіргі кезде Павлодарда тұрып жатыр. Қыз бала Назарбаев зияткерлік мектебінде оқиды және олимпиядалар ұтып жүр екен.

Полицияға Ханаттың төрт баламен жоғалғаны туралы оның күйеуі хабарлаған.



Загрузка...

Пікір (0)

Input is not a number!
Input is not a email!
Input is not a number!