Маңғыстауда құлайтын зымыран қалдықтары үшін Ресей 500 мың $ өтемақы төлейді

Фотография - Маңғыстауда құлайтын зымыран қалдықтары үшін Ресей 500 мың $ өтемақы төлейді

Орынбордағы "Ясная" алаңынан ұшырылатын зымыран қалдықтары Маңғыстау өңіріне құлайды

704 0

Орынбордағы "Ясная" алаңынан ұшырылатын зымыран қалдықтары Маңғыстау өңіріне құлайды. Бұл жайында "Астана" телеарнасының тілшілеріне Аэроғарыш комитеті төрағасының орынбасары Мейірбек Молдабеков мәлімдеді.

Бірақ, телеарна тілшілерінің мәліметінше, қалдықтардың қай аумаққа құлайтыны мен жер аумағының көлемі нақтыланбады. Маңғыстау өңірі зымыран қалдықтары үшін қомақты қаражатқа ие болады. Бұл сомма жылына шамамен жарты миллиард долларды құрамақ. Бұл келісім Ресей президентінің Қазақстанға ресми сарапы кезінде жасалған болатын. Ал, коммерциялық ұшырылымдардың операторы ретінде халықаралық "Космотрас" ғарыш компаниясы бекітіледі. Айта кетейік, Қазақстан, Ресей мен Украина осы компанияның акционерлері.

"Маңғыстау облысы жерді жалға бергені үшін тиісті қаражатын алады. Менің білуімше шамамен 500 мың доллар көлемінде. Сомма қомақты. Өйткені Маңғыстау облысының әкімдігі келісімді қуана мақұлдады. Бұл ақша облыс бюджетіне түседі. Зымыран қалдықтарына бөлінетін нақты территорияны айта аламаймын. Бірақ үлкен емес", - деді ҚР Инвестиция және даму министрлігі Аэроғарыш комитеті төрағасының орынбасары Мейірбек Молдабеков.


baq.kz



Загрузка...

Пікір (0)

Input is not a number!
Input is not a email!
Input is not a number!