Бірінші сынып оқушылары 2016 жылдың 1 қыркүйектен бастап аптасына бес күн оқиды

Фотография - Бірінші сынып оқушылары 2016 жылдың 1 қыркүйектен бастап аптасына бес күн оқиды

Фото: ©Алмаз Толеке

2017 жылдан бастап басқа сыныптар кезең-кезеңімен жалпы білім беретін мектептерде осындай режимге көшеді.

1006 0

Мемлекет басшысының тапсырмасы бойынша осы оқу жылының 1 қыркүйегінен бастап, еліміздің жалпы білім беретін мектептерінің 1-сыныптары 5 күндік оқу аптасына көшеді. Алайда, олар 1 қыркүйектен бастап, 1 маусымға дейін оқитын болады, - деп хабарлайды "Қамшы" порталы.

Ал, бес күндік оқыту жүйесіне көшу барлық сынып оқушылары үшін кезең-кезекмен жүргізіледі. 2017 жылы екінші, бесінші, жетінші, тоғызыншы сынып оқушылары 5 күндік оқу аптасына көшеді. 2018 жылдан бастап, барлық басқа сынып оқушылары жаңа оқу барысына көшеді.

5 күндік білім беруге көшу білім беру бағдарламасының жаңартылуына байланысты. Жаңа білім беру бағдарламалары, бұған дейін хабарланғандай, Назарбаев Зияткерлік мектебі бағдарламасына, үздік әлемдік тәжірибеге сәйкес функционалдық сауаттылыққа негізделеді.

"Министрлік қазіргі таңда барлық мектептердің 5 күндік оқуға көшуін тездету амалдарын қарастыруда. Алайда, бұл мәселені шешу үшін тездетілген кесте негізіндегі білім беру бағдарламаларының мазмұнын жаңарту бойынша толық есеп жүргізу керек. Сонымен қатар, үш ауысыммен оқитын мектептер мәселесін де жете қарастыру қажет.

Біз түсінеміз, білім беру процесінің сапасына да, көлеміне де зиян келмеу үшін, жазғы демалыс мерзімі шамамен 2 аптаға кейінге жылжытылады", делінген министрліктің хабарламасында.

Қазақстан Республикасы Премьер-Министрінің орынбасары Дариға Назарбаева 5 күндік оқу аптасын енгізу маңыздылығын атап өтті: "Мен ата-аналар мен біздің балалар үшін өте қуаныштымын, өйткені мектептен түсетін жүктеме өте ауыр және балалардың денсаулығына әсер тигізеді, олар бір күн ішінде қалпына келе алмайды. Біздің жоспарымыз бойынша, сенбі күні балалар жан-жақты дами алатын болады, тіл үйрену курстарына немесе спорт секцияларына қатысуға мүмкіндігі болады. Сонымен қатар ең басты тәрбиені біз отбасынан аламыз, сондықтан сенбі күні балаларда ата-аналарымен тілдесуге, жанұя дәстүрлерімен танысуға бөлетін уақыт болуы қажет. Бұдан басқа, сенбі - оқытушыларды қайта даярлау үшін маңызды күн болады". 



Загрузка...

Пікір (0)

Input is not a number!
Input is not a email!
Input is not a number!