Польша үкіметі Тайынша ауданына 57 мың еуро бөлді

Фотография - Польша үкіметі Тайынша ауданына 57 мың еуро бөлді

Қазақстанда 34 мыңнан астам поляк ұлты адам тұрып жатса, басым бөлігі Тайынша ауданында шоғырланған.

349 0

Тайынша ауданында ондаған елді мекенді қарғын су басып, төтенше жағдай жарияланған болатын. Польша билігі жергілікті тұрғындарға көмек көрсету мақсатымен 57 мың еуро бөлді. Бұл туралы облыстық Қазақстан халқы Ассамблеясы баспасөз қызметіне сілтеме жасаған egemen.kz хабарлады.

"Солтүстік Қазақстанда үйлерді жөндеуге және мал сатып алу үшін Польша үкіметі 57 мың еуро бөлуге шешім қабылдады. Бұл қаражат азық-түліктер мен киім-кешек сатып алуға бағытталады әрі адамдардың үлкен тобына көмектесуге мүмкіндік береді", – деді Польшаның сыртқы істер министрі Ян Дзедзичак.

Сенат спикері Станислав Карчевский мен сенатор Анна Мария Андерс бастаған поляк делегациясы, сондай-ақ, репатриациялау мәселелерімен айналысатын билік және түрлі ұйымдардың өкілдері Қазақстанға келеді деп күтілуде.

Қазақстанда 34 мыңнан астам поляк ұлты адам тұрып жатса, басым бөлігі Тайынша ауданында шоғырланған.



Загрузка...

Пікір (0)

Input is not a number!
Input is not a email!
Input is not a number!