9,8 млн адамға мемлекет есебінен медициналық қызмет көрсетіледі

Фотография - 9,8 млн адамға мемлекет есебінен медициналық қызмет көрсетіледі

Әлеуметтік медициналық сақтандыру қорының (ӘМСҚ) жарнасын төлеуден азаматтардың 15 санаты босатылады

241 0

Медициналық әлеуметтік сақтандыру енгізілген соң 9,8 миллионнан астам қазақстандыққа мемлекет есебінен медициналық қызмет көрсетіледі, деп хабарлайды BNews.kz.

"Қазақстанда міндетті әлеуметтік медициналық сақтандыру (МӘМС) жүйесі енгізілген соң халықтың әлеуметтік тұрғыдан осал тобына жататын 9,8 млн-нан астам адамға мемлекет төлейтін жарна есебінен медициналық қызмет көрсетіледі", - деп аталып өткен ҚР Денсаулық сақтау және әлеуметтік даму министрлігінің баспасөз қызметі таратқан ақпаратта.

Әлеуметтік медициналық сақтандыру қорының (ӘМСҚ) жарнасын төлеуден азаматтардың 15 санаты босатылады, оның 12-сі – халықтың әлеуметтік тұрғыдан осал тобы, сонымен қатар, әскерилер, арнайы мемлекеттік және құқық қорғау органдарының қызметкерлер.

Халықтың әлеуметтік тұрғыдан осал тобына:

- балалар;

- "Алтын алқа", "Күміс алқа" иегерлері, бұрын "Батыр Ана" атағын алғандар, сонымен қатар I және II дәрежелі "Аналық даңқ" орденімен марапатталған көп балалы аналар;

- ҰОС ардагерлері мен мүгедектері;

- мүгедектер;

- жұмыссыз ретінде тіркелген азаматтар;

- интернат мекемелерінде оқытылып, тәрбиеленіп жатқан тұлғалар;

- техникалық, кәсіптік, орта білімнен кейінгі және жоғарғы білім беру ұйымдарында күндізгі бөлімдерде, сонымен қатар резидентура формасындағы ЖОО кейін білім алып жатқан тұлғалар;

- бала тууға, бала асырап алуға, 3 жасқа дейінгі бала күтіміне байланысты демалыстағы тұлғалар;

- жұмыс істемейтін жүкті әйелдер, іс жүзінде 3 жасқа дейінгі баланы тәрбиелеп отырған жұмыссыз азаматтар;

- зейнеткерлер;

- ең төменгі деңгейдегі қауіпсіздік мекемелерін есептемегенде сот шешімімен ҚАЖ мекемелерінде айыбын өтеушілер;

- уақытша ұстау изоляторлары мен тергеу изоляторларындағы азаматтар жатады.

Естеріңізге сала кетейік, 2017 жылдың 1 қаңтарынан бастап мемлекет, жұмыс берушілер, өзін-өзі жұмыспен қамтыған азаматтар ӘМСҚ-ға жарна төлеуді бастайды.

Ерекше санаттағы азаматтар үшін мемлекет төлейтін жарнаның мөлшерлемесі орташа айлық еңбекақының 7% құрайды. Сонымен қатар мөлшерлеменің көлемі 2017 жылы 4%, 2018 жылдан бастап 5%-ға, 2023 жылдан 6%-ға, 2024 жылдан 7%-ға сатылай өсетін болады.

Жұмыс берушілер жарнасы мөлшерлемесінің жалпы көлемі кірістің 5%-ын құрайтын болады. Аударым 2017 жылы 2%-ды, 2018 жылы 3%-ды, 2019 жылы 4%-ды, 2020 жылы 5%-ды құрайтын болады.

Өзін-өзі жұмыспен қамтыған азаматтар жарнасының мөлшерлемесі (жеке кәсіпкерлер, жеке нотариустар, жеке сот орындаушылары, адвокаттар, кәсіби медиаторлар, азаматтық-құқықтық негіздегі келісім бойынша кіріс табатын жеке тұлғалар) олардың кірісінің 7% құрайтын болады. Ол 2017 жылы 2%, 2018 жылы 3%, 2019 жылы 5%, 2020 жылдан бастап 7% болады.

Жалдамалы жұмысшылар жарнаны 2019 жылдан бастап 1%, 2020 жылдан 2%-дық мөлшерде төлейтін болады.

Қор арқылы қаржыландыру 2017 жылғы 1 шілдеден басталады.




Загрузка...

Пікір (0)

Input is not a number!
Input is not a email!
Input is not a number!