Жер кодексінің кейбір бабына қойылған мораторий бес жылға ұзартылуы мүмкін

Фотография - Жер кодексінің кейбір бабына қойылған мораторий бес жылға ұзартылуы мүмкін

Фото: ©Арман Мұқатов

Мораторийді ұзартуға және жер реформасына қатысты өзге де мәселелер ҚР Парламентінде талқыланады.

339 0


ҚР жер кодексіне енгізілген жаңа өзгерістерге қатысты мораторий ұзартылуы мүмкін. Бұл туралы жер реформасы жөніндегі комиссияның отырысында ҚР премьер-министрінің орынбасары - ҚР ауыл шаруашылық министрі Асқар Мырзахметов мәлімдеді,-деп хабарлайды Today.kz.

«Жан-жақты пікірлерді ескере отырып, біз мораторийді 2021жылдың 31-інші желтоқсанына дейін созуды ұсынамыз. Оны Елбасының қарауына жолдамақпыз. Егер мораторийді созу туралы шешім қабылданатын болса, онда біздің елдегі барлық жерді түгендеп, тізіп шығып, ақпараттық база қалыптастыруға мүмкіндігіміз болады. Тек сол кезде ғана елдің көкейіндегі сұрақтарға толыққанды жауап бере аламыз»,-деді Мырзахметов.

Сонымен қатар ол «жердің құнарлылығы, саны, жалға және жекеменшікке берілген жерлер туралы жан-жақты ақпарат жинау қажетілігін және оған кемінде екі жыл уақыт пен үлкен қаражат керектігін» атап өтті.

Бұған дейін жер реформасы жөніндегі Комиссия бұдан өзге үш мәселе (қазақстандықтарға 49 жылға жерді жалға беру, шекара маңындағы және жайылымға берілетін жерлер)  бойынша ортақ пікірге келген болатын. 

Естеріңізге сала кетейік, Жер кодексіне 2015 жылдың 2 қарашасында енгізілген кейбір өзгерістеріне Елбасы 15 маусымда мораторий жариялаған еді.  





Загрузка...

Пікір (0)

Input is not a number!
Input is not a email!
Input is not a number!