Кәрім Мәсімов ҚР Ұлттық қауіпсіздік комитетінің төрағасы болып тағайындалды

Фотография - Кәрім Мәсімов ҚР Ұлттық қауіпсіздік комитетінің төрағасы болып тағайындалды

Фото: akorda.kz

Ақорда сайтында осындай жарлық жария етілді

932 0


Кәрім Мәсімов Қазақстан Республикасы Ұлттық  қауіпсіздік комитетінің төрағасы болып тағайындалды. Осындай жарлық Ақорда сайтында жарияланды,-деп хабарлайды Today.kz.

«Кәрім Қажымқанұлы Мәсімов Қазақстан Республикасы Ұлттық қауіпсіздік комитетінің Төрағасы болып тағайындалсын, ол Қазақстан Республикасының Премьер-Министрі қызметінен босатылсын»,-делінген жарлықта.

Кәрім Кәжімқанұлы Мәсімов 1965 жылы дүниеге келген. Пекиндегі Тіл білімі институтын, Қытайдағы Ухань заң университетін, Қазақ мемлекеттік Басқару академиясын бітірген. АҚШ Колумбия университетінде машықтанудан өткен. Экономика ғылымдарының докторы. Ағылшын, қытай, араб тілдерін меңгерген.  ҚР Еңбек министрлігінде бас экономист, сыртқы экономикалық байланыс бөлімінің бастығы, Үрімші (ҚХР) қаласындағы Сыртқы экономикалық байланыстар Министрлігі өкілдігінде жетекші маман, Гонконг қаласындағы Қазақ сауда үйінің атқарушы директоры қызметін атқарды. «Алматы сауда-қаржы банкі» ЖАҚ Басқармасының және «Қазақстан Халық жинақ банкі» ААҚ Басқармасы бастығы қызметін атқарды. ҚР Көлік және коммуникация министрі, ҚР Премьер-Министрінің орынбасары, ҚР Президентінің көмекшісі болып тағайындалды. 2006 жылдың қаңтарынан ҚР Премьер-Министрінің орынбасары. 2006 жылдың сәуірінен - ҚР Премьер-Министрінің орынбасары ҚР Экономика және бюджеттік жоспарлау министрі. 2007 жылдың қаңтарынан Қазақстан Республикасының Премьер-Министрі. 2012 жылдың қыркүйек айынан - ҚР Президент Әкімшілігінің Басшысы. 2014 жылдың сәуірінен - Қазақстан Республикасының Премьер-Министрі.



Загрузка...

Пікір (0)

Input is not a number!
Input is not a email!
Input is not a number!