Мемлекет басшысына бидайдың жаңа түрін көрсетті

Фотография - Мемлекет басшысына бидайдың жаңа түрін көрсетті

Фото: akorda.kz

Президент Ақмола облысына жұмыс сапарымен барды.

505 0

Мемлекет басшыысына Ақмола облысына жасаған сапары аясында жергілікті жағдайға бейімделген бидайдың жаңа түрі таныстырылды,  - деп хабарлайды Today.kz, Ақорда сайтына сілтеме жасап. Елбасы Шортанды ауданының ауыл шаруашылығы алқабында болып, онда «Жәкен-1» ЖШС механизаторларымен кездесті және жиын-терін науқанының барысымен танысты. Қазақстан Президентіне кәсіпорынның негізгі жұмыс бағыттары мен өңірдегі аграрлық секторды қолдау шаралары туралы баяндалды. Нұрсұлтан Назарбаев өңірде өсетін ауыл шаруашылығы өнімдері көрмесін аралады. 

Мемлекет басшысы жиналғандарға арнаған сөзінде республиканың агроөнеркәсіп кешенінің өнімділігін арттыру үшін ауыл шаруашылығы университеттері базасында ғылыми-зерттеу институттарын құру қажеттігін атап өтті.

Фото - Фото - Фото - Фото -

Бұдан бөлек, Қазақстан Президенті облыстың ауыл шаруашылығы тауарын өндірушілерімен кездесті, олар астық жинау барысы, мал шаруашылығы саласының даму қарқыны туралы айтып берді делінген Ақорда сайтындағы хабарламада.  

Әңгімелесу кезінде астық жинау науқанын табысты өткізу облыс шаруаларының алдында тұрған ең алдыңғы кезектегі міндеттің бірі болып саналатыны атап өтілді.

Нұрсұлтан Назарбаев Қытайға және Өзбекстанға таяудағы сапарлары аясында Қазақстан астығын, майлы дақылдар мен ет өнімін экспорттауға қатысты бірқатар маңызды келісімдерге қол жеткізілгеніне айрықша назар аударды.

Мемлекет басшысына шаруалар елдің ауыл шаруашылығы саласына ұдайы көңіл бөліп, қолдау көрсетіп отырғаны үшін алғыс айтты.

Ақпарат көзі - Ақорда сайты. 



Загрузка...

Пікір (0)

Input is not a number!
Input is not a email!
Input is not a number!