1616

Мұхамедиұлына жала жабу ісі бойынша сот үкімі шықты

Режиссер Талғат Жәнібеков қылмыстық кодекстің «жала жабу» бабы бойынша айыпталған болатын.
Фотография - Мұхамедиұлына жала жабу ісі бойынша сот үкімі шықты Фото: today.kz

ҚР мәдениет және спорт министрі Арыстанбек Мұхамедиұлына жала жабу жөніндегі іс бойынша сот үкімі шықты, деп хабарлайды Today.kz сот залынан. Астанадағы Сарыарқа аудандық №2 сотының шешімі бойынша режиссер Талғат Жәнібков ҚР ҚК «жала жабу» бабы бойынша айыпталып, кінәлі деп танылды. Оған 500 айлық есептік көрсеткіш  көлімінде (бір миллион аса теңге) айыппұл салынды.

Естеріңізге салайық, Сарыарқа аудандық соты мәдениет және спорт министрін ақша талап етті деп айыптаған Талғат Жәнібковтың ісі қаралған еді. Режиссер ол түсіріп жатқан фантастикалық "Феникс" фильмі министрдің кесірінен тоқтатылды деген болатын. Қазанның 25 күні осы іс бойынша соңғы сот отырысы өтті. Арыз берушінің адвокатының айтуынша, айыпталушы Талғат Жәнібеков осымен бірнеше рет сот отырысына келмеген.