1348

Назарбаев Қазақстан астанасын өзгертуге қатысты мәселеге нүкте қойды

Мемлекет басшысының айтуынша, Астана – бұл бренд. Сондықтан, оның атауын өзгертуге еш негіз жоқ.
Фотография - Назарбаев Қазақстан астанасын өзгертуге қатысты мәселеге нүкте қойды Сурет: today.kz

Қазақстан Республикасының Президенті Нұрсұлтан Назарбаев, Ресей телеарнасының журналистері қойған сұрақтарға жауап бере келе, Астананың атын өзгерту мәселесіне нүкте қойды деп, хабарлайды Today.kz тілшісі. Сұхбат үзіндісі Ақорданың Facebook әлеуметтік желісіндегі ресми аккаунтында жарияланды.

«Тәуелсіздіктің 25 жылдығы – ата-бабаларымыздың арманы орындалған қазақстандықтардың керемет мерекесі. Оған қалай қуанбасқа. Өзім де, замандастарым да қуанып жатыр. Біздің жастарымыз мақтан тұтатын, осындай мемлекет құру жүгі иығымызға түсті. Қай жерге бармаңыз, бәрі Астананы біледі. Бұл бренд. Сондықтан оның атауын өзгертудің ешқандай қажеттілігі жоқ»,-деп атап өтті Мемлекет басшысы.

Нұрсұлтан Назарбаев, Астанада XXI ғасырдағы тұңғыш ЕҚЫҰ-ның саммиті, қысқы Азия ойындары өтсе, дәстүрлі діндер көшбасшыларының съезі өтіп тұрады. ЭКСПО-2017 көрмесі келе жатыр.

«Мұның бәрі Қазақстанмен байланысты. Ал «Астана» атауы барлық жерден естіледі»,-деді Президент.  

Астана қаласының атын өзгерту

23 қарашада, ҚР Парламент Мәжілісінің депутаты Қуаныш Сұлтанов, елорданың және елдегі маңызды нысандардың атауын Нұрсұлтан Назарбаевтың есімімен атауды ұсынған болатын. Депутаттың бұл ұсынысын оның әріптестері қолдады.

24 қарашада, Қазақстан Президенті Нұрсұлтан Назарбаев, Қазақстан астанасының атын өзгертуге қатысты мәселені еш жерде көтермегенін мәлімдеді. 

Загрузка...