923

Астананың туристік символы жасалады

Символ (бренд) қаланың мәртебесін, оның туристік тартымдылығын, көрікті жерлерін, ландшафтының ерекшеліктерін және тарихын жеткізуге тиіс.
Фотография - Астананың туристік символы жасалады Көрнекі сурет

Астананың туристік символы бойынша концептуалдық, дизайнерлік шешімдерді табу мақсатында үздік нобай-жобасына байқау жарияланды деп, хабарлайды Today.kz қалалық әкімшілік сайтына сілтеме жасап.

«Символ, белгі (бренд) қаланың мәртебесін, оның туристік тартымдылығын, көрікті жерлерін, ландшафтының ерекшеліктерін және тарихын жеткізуге тиіс. Символ жарқын, ықшам және заманауи болуы керек. Түс гаммасы қазақтардың декоративті өнерінің түс және композициялық дәстүрлерін көрсетуге тиіс. Туристік белгіде қаланың рухын, оның мәнін жеткізетін түпнұсқа семантикалық шешімдерді, графикалық элементтерді, айрықша ұрандарды қолдануға болады. Туристік символ дизайн мен графикалық өнердің заманауи, әлемдік үдерістерінде орындалуға тиіс. Байқауға өтінім 2016 жылдың 26 желтоқсаны мен 2017 жылдың 25 қаңтар аралығында қабылданады»,-делінген сайтта.

Байқау материалдарын 010000, Астана қаласы, Бейбітшілік көшесі, 11, 535 кабинет мекен-жайы бойынша, 2017 жылдың 25 қаңтары сағат 18:00 –ден кешіктірмей тапсыру қажет.

Байқауды ұйымдастырушы «Астана қаласының Сәулет және қала құрылысы басқармасы» ММ болып табылады. Байқауға ниет танытқан кез келген адам қатыса алады. 

 

Загрузка...