981

Қаңтардың 20-сы мен 22-сі күндері қазақстандықтарды қандай ауа райы күтіп тұр

Республиканың басым бөлігінде ауа райының жылынуы күтілуде.
Фотография - Қаңтардың 20-сы мен 22-сі күндері қазақстандықтарды қандай ауа райы күтіп тұр Сурет: ©Алмас Төлеке

Синоптиктер Қазақстанда қаңтардың 20-сы мен 22-сі күндері болатын ауа райын болжады. Республиканың басым бөлігінде ауа райының жылынуы күтілуде деп, хабарлайды Today.kz «Қазгидромет» РМК-ға сілтеме жасап.

«Қазақстан аумағында ауа температурасының көтерілуі күтілуде. Оңтүстік облыстарының кейбір жерлерінде қар жауады. Солтүстік өңірлердің әр жерінде боран болып, екпіні күшті жел соғады. Шығыс бөлікте көктайғақ орын алады. Қазақстанның басым бөлігінде тұман түсіп, көру мүмкіндігінің нашарлауы 200-ден 500 метрге дейін жетеді»,-деп хабарлады метеорологтар.

Елдің солтүстігі мен орталығында термометр бағаны 14 градусқа дейін төмендейді. Шығыста ауа температурасы 5-8 градусқа дейін төмендейді. Қазақстанның батысы мен оңтүстігінде 3-5 градус суық болады.

Қаңтар айына ауа райы болжамы

Gismeteo.kz ақпаратының негізіне сәйкес, ҚР қаңтар айында қатты аяз болмайды деп болжанып отыр. Астанада болжамды орташа айлық температурасы 8-10 градус төмендікті көрсетеді. Аздаған жауын-шашын болуы мүмкін.

Загрузка...