1111

Астана әкімі әйелдерді 8 Наурыз мерекесімен құттықтады

Әсет Исекешевтің айтуынша, Қазақстан гендерлік саясатқа, ана мен баланы қорғауға ерекше назар аударады.
Фотография - Астана әкімі әйелдерді 8 Наурыз мерекесімен құттықтады Сурет: today.kz

Астана әкімі Әсет Исекешев нәзік жандыларды Халықаралық әйелдер күнімен құттықтады деп, хабарлайды Today.kz  елорданың әкімшілік сайтына сілтеме жасап. Қала басшысы әйелдерге бақыт, амандық, махаббат, туыстар мен жақындардың қолдауын, кәсіби табыс, барлық армандардың орындалуын және көктемгі көңіл-күй мен шаттыққа толы күлкі тіледі.

«Сіздерді 8 наурыз – Халықаралық әйелдер күні мерекесімен шын жүректен құттықтаймын! Қазақта «Ананың сүйген жері – отқа күймейді, оқ та тимейді» деген тәмсіл бар. Өйткені Әйел-Аналар барлық қиындықты жеңетін сарқылмайтын күш, тірліктің қайнар бұлағы. Ана – өмірдің гүлі, тіршіліктің нұры, мейірім мен ізгіліктің жаршысы. Әйел табиғаты тұтас құдіретке толы тылсым дүние. Отбасының оты да, Отанның бүтіндігі де ең алдымен ананың ақ пейілінен бастау алады»,- делінген хабарламада.

Астана әкімінің айтуынша, Нұрсұлтан Назарбаевтың қолдауының арқасында Қазақстан гендерлік саясатқа, ана мен баланы қорғауға ерекше назар аударып келеді. Қоғамда әйелдердің орны күннен-күнге артып, бағындырып жатқан биіктері толастар емес.  

«Көктем гүлімен, отбасы ана нұрымен көркем. Ендеше осы бір кең ниетті көктеммен бірге келген әсем мерекеде Сіздерге тек ізгілік тілеймін! Өздеріңізге айтылатын ақ алғыстар мен жылы сөздер еш уақытта толастамасын. Әрдайым ақпейіл де қамқор, адал да үлгілі қалыптарыңыздан талмай жүре беріңіздер»,-деді Исекешев.

Загрузка...