757

Әсет Исекешев астаналықтарды Наурыз мерекесімен құттықтады

Әкім қала тұрғындарына зор денсаулық, отбасыларына ынтымақ, еңбектеріне мол табыс тіледі.
Фотография - Әсет Исекешев астаналықтарды Наурыз мерекесімен құттықтады Сурет: almatylife.kz

Астана әкімі Әсет Исекешев қала тұрғындарын көктемнің жаңару мерекесімен құттықтап, «Наурыз - тыныштық пен жақсылықтың бастауы»,- деді. Қала басшысы елорда тұрғындарына зор денсаулық, отбасыларына ынтымақ, еңбектеріне мол табыс тіледі деп, хабарлайды Today.kz әкімшілік сайтына сілтеме жасап.

«Наурыз – жылдың басы, күн мен түннің теңелер шағы. Бұл - өткенге салауат айтып, келер күннен береке тілейтін, ақ көңіл, адал жүрек, дос құшақтарды айқастыратын қадірлі күн. Тамырын тереңнен тартқан осынау мейрам – береке мен бірліктің, тазалық пен татулықтың тұғырын нығайтып, шаттық пен қуанышқа кенелте берсін»,-деді Исекешев.

Ертеректе «Астана қаласының мәдениет, мұрағаттар және құжаттама басқармасы» мемлекеттік мекемесі елордада Наурыз мейрамының қалай тойланатындығы туралы баяндаған болатын.  Мәдени шаралар мен халықтық қыдырулар елоданың бес алаңында және 10 тұрғын үй алаптарында ұйымдастырылады.

Загрузка...