1365

Мақсат Қабашев «Kazakh invest» ҰК басқармасының төрағасы болды

Шешімді компанияның директорлар кеңесі қабылдады.
Фотография - Мақсат Қабашев «Kazakh invest» ҰК басқармасының төрағасы болды

2017 жылдың  31 наурыздағы «Kazakh invest» ұлттық компанияның директорлар кеңесінің шешіміне сәйкес Мақсат Қабашев компания басқармасының төрағасы болып сайланды деп, хабарлайды Today.kz компанияның баспасөз қызметіне сілтеме жасап.

Мақсат Қабашев 1967 жылы Қызылорда қаласында туылды.

1991 жылы Мәскеудің орман шаруашылығы институтын «инженер-технолог» мамандығы бойынша аяқтады. 1998 жылы Қабашевқа Қазақ көлік және коммуникациялар академиясында техника ғылымдарының кандидаты дәрежесі берілді. 2001 жылы Қазақ Ұлттық Технология университетін «инженер механика» мамандығы бойынша тәмамдады. 2004 жылы Массачусетс Технологиялық институтын (MIT), SloanBusinessSchool,  MasterofBusinessAdministration мамандығы бойынша бітірді. «Құрмет» орденімен марапатталған.

Еңбек жолын Мақсат Қабашев 1991 жылы Қаз ГАС –та зерттеуші болып бастаса, 1993 жылы «Қазмұнайхим» ЖШС коммерциялық директоры болды. 1997 жылы «Қазахгаз» ҰК президенті, «Қазахойл» ҰК-ның Ресейдегі өкілдігінің директоры, 2000 жылы ҚР Энергетика және минералды ресурстар министрлігінің газды шығару және тасымалдау басқармасының бастығы, 2001 жылы ҚР Индустрия және сауда министрінің кеңесшісі қызметтерін атқарды.

2004-2009 жылдары «Ұлттық инновациялық қор» АҚ-ы басқармасы төрағасының орынбасары, «Қазына тұрақты даму қоры» АҚ басқарушы директоры, «Қазына тұрақты даму қоры» АҚ басқарма төрағасының инвестиция жөніндегі орынбасары, «Қазақстанның инвестициялық қоры» басқармасының төрағасы, «Стрессті актив қоры» АҚ басқарма төрағасы, «Альянс Банк» АҚ басқарма төрағасы болды. 2014 жылдың наурыз айында «Қазақстан қор биржасы» АҚ басқарма төрағасы қызметтерін атқарды.

Ал 2015 жылдың шілде айынан 2017 жылдың наурыз айына дейін «ҚТЖ» ҰК» АҚ вице-президенті қызметін атқарып келді.