730

Назарбаевқа ҚР Қарулы Күштерінің қазіргі ахуалы туралы баяндалды

Мемлекет басшысы Қорғаныс министрі Сәкен Жасұзақовты қабылдады.
Фотография - Назарбаевқа ҚР Қарулы Күштерінің қазіргі ахуалы туралы баяндалды Сурет: akorda.kz

Қазақстан Президенті Қорғаныс министрі Сәкен Жасұзақовпен кездесті деп, хабарлайды Today.kz Ақорда сайтына сілтеме жасап. Мемлекет басшысына елдің Қарулы Күштерінің қазіргі ахуалы мен армия алдына қойылған міндеттердің орындалуы жөнінде есеп берілді.

Назарбаев Қарулы Күштерді жасақтау қарқынды жүргізіліп келе жатқанына тоқталып, бұл жұмысты жалғастыру қажеттігін атап өтті.

«Қыста да, жазда да әскери оқу-жаттығу шаралары өткізілді. Әскеріміздің жауынгерлік дайындығының деңгейі жоғары. Тәртіп жақсарғаны байқалады», – деді Президент.

Мемлекет басшысы әскерді қару-жарақтың және әскери техниканың жаңа түрлерімен қайта жарақтандыру, әскери қызметшілерді әлеуметтік қамсыздандыру, еліміздің аумақтық қауіпсіздігі мен әуе шабуылына қарсы қорғаныс жүйесін дамыту мәселелеріне назар аударды.

Жасұзақов Мемлекет басшысына әскердің жауынгерлік қабілеттігі деңгейін, Қазақстан әскері қатарындағы тәртіп пен құқықтық тәртіпті сақтау шараларының атқарылу барысы туралы мәлімдеді.

«Бүгінде Қарулы Күштер қатары 93% деңгейінде жасақталды. Салыстырмалы түрде алсақ, бұл көрсеткіш 2015 жылы 89% болған еді. Қазіргі уақытта офицер, сержант және қатардағы сарбаз құрамдарын жасақтау үшін әскерге келісімшарт бойынша шақыру жұмыстары жүргізілуде. Мерзімді әскери қызмет қатарына алынатындар санын арттырдық. Биыл әскердің барлық түріне 34 мыңға жуық мерзімді әскери қызметшіні шақыру жоспарланып отыр», – деді Қорғаныс министрі.

Загрузка...