Си Цзиньпин «ЭКСПО-2017» халықаралық көрмесінің ашылуына қатысады

Фотография - Си Цзиньпин «ЭКСПО-2017» халықаралық көрмесінің ашылуына қатысады

Сурет Ақорданың баспасөз қызметінен алынды

Бұл туралы Нұрсұлтан Назарбаевтың ҚХР Мемлекеттік кеңесінің бірінші вице-премьері Чжан Гаолимен кездесуінде белгілі болды.

259 1

ҚР Президенті Нұрсұлтан Назарбаев Қытай Халық Республикасы Мемлекеттік кеңесінің бірінші вице-премьері Чжан Гаолимен кездесті деп, хабарлайды Today.kz Ақорданың баспасөз қызметіне сілтеме жасап.

Мемлекет басшысы кездесуде ҚХР Мемлекеттік кеңесінің бірінші вице-премьеріне сәттілік тілеп, екіжақты ынтымақтастықтың жоғары деңгейде екенін атап өтті.

«Қазақстан мен Қытай арасында серіктестіктің ерекше моделі қалыптасқан. Біз энергетикалық және басқа да салаларда ынтымақтастық орнатып отырмыз», – деді Қазақстан Президенті.

Сондай-ақ, Нұрсұлтан Назарбаев ҚХР төрағасы Си Цзиньпиннің «Бір белдеу – бір жол» атты халықаралық форумға шақырғанына алғыс білдіріп, бұл іс-шараға қатысуға дайын екенін жеткізді.

«Алдымызда бізді көптеген бірлескен жұмыс күтіп тұр. «Бір белдеу – бір жол» форумына қатысу үшін Бейжіңге баратын сапарым барысында біз «Нұрлы жол» және «Жібек жолы экономикалық белдеуі» бағдарламаларын ұштастыру жолдарын жан-жақты талқылаймыз», – деді Мемлекет басшысы.

Өз кезегінде Чжан Гаоли ҚХР төрағасы Си Цзиньпиннің Қазақстан Президентіне жолдаған сәлемін жеткізіп, Ынтымақтастық жөніндегі комитет отырысы аясында жаңа уағдаластықтар жасалғанын атап өтті.

«Қытай Халық Республикасының төрағасы биылғы маусым айында «ЭКСПО-2017» халықаралық көрмесінің ашылуына және Шанхай ынтымақтастық ұйымының саммитіне қатысу үшін Қазақстанға келуді жоспарлап отыр. Сіздің басшылығыңызбен Қазақстанда экономиканың қарқынды дамуы жалғасуда, әлеуметтік тұрақтылық бар екені байқалады,  халықтың әл-ауқаты жақсарып келеді. Халықаралық аренада да Қазақстанның беделі артып отыр», – деді Чжан Гаоли.

ҚХР вице-премьері Қазақстанда жүзеге асырылып жатқан реформаларға қолдау білдіріп, Нұрсұлтан Назарбаевтың рухани жаңғыру жөніндегі таяудағы бастамаларының маңыздылығына тоқталып өтті.

Кездесу соңында Қазақстан Президенті еліміздегі өзгерістердің іске асырылуына қолдау көрсеткені үшін ҚХР басшылығына алғыс білдіріп, сауда және экономика саласы бойынша екі ел арасындағы байланыстар нығая түседі деп үміттенетінін жеткізді.



Загрузка...

Пікір (1)

Input is not a number!
Input is not a email!
Input is not a number!


Клио 20 сәу. 23:24

Многие первые лица стран-участниц ЭКСПО приедут к нам в Астану. Встречать главу Китая особенно почетно!

Жауап беру