688

Маусымның 16-сы күні қазақстандықтарды қандай ауа райы күтеді

Синоптиктер кей жерлерде найзағайлы жаңбыр мен күшті жел соғады деп болжап отыр.
Фотография - Маусымның 16-сы күні қазақстандықтарды қандай ауа райы күтеді Көрнекі сурет

Метеорологтар Қазақстанда маусымның 16-сы күні болатын ауа райымен бөлісті. Қазақстан территориясының  басым бөлігінде  атмосфералық фронттардың өтуіне байланысты тұрақсыз ауа райы сақталады, кей жерлерде найзағайлы жаңбыр жауады және жел күшейеді, республиканың солтүстік  өңірлерінде кей жерлерінде тұман, бұршақ жаууы мүмкін. Тек қиыр оңтүстікте ауа райы жауын-шашынсыз болады деп, хабарлайды Today.kz «Қазгидромет» РМК-ға сілтеме жасап.

Маңғыстау, Қарағанды, түнде  Павлодар, күндіз Атырау, Қостанай облыстарының  кей жерлерінде жылдамдығы секундына 15-20 метр болатын екпінді жел күшейеді.

Күндіз Қызылорда, Оңтүстік Қазақстан, Жамбыл, Қарағанды, Шығыс Қазақстан облыстарының кей жерлерінде өте жоғары өрт қауіпі сақталады.

Күндіз Павлодар, Шығыс Қазақстан облыстарының басым бөлігінде, Ақмола, Алматы, Жамбыл, Қостанай, Қарағанды облыстарының кей жерлерінде қатты ыстық болады.

Астанада көшпелі бұлтты, күннің екінші жартысында өткінші жаңбыр жауады, найзағай болады. Оңтүстік-шығыстан жел соғады, күші секундына 7-12 метрге жетеді.  Ауаның  температурасы түнде 19-21 градус, күндіз 30-32 градус жылы болады.

Алматыда көшпелі бұлтты, жауын-шашынсыз. Желдің күші секундына 0-5 метрге жетеді. Ауаның температурасы түнде 18-20 градус, күндіз 29-31 градус жылы болады. 

Загрузка...