673

Қазақстандықтарды 29-30 шілде аралығында қандай ауа райы күтеді

Қазақстанның барлық аумағында ауа температурасы климаттық нормадан 3-7 градус жоғары болады деп күтіледі.
Фотография - Қазақстандықтарды 29-30 шілде аралығында қандай ауа райы күтеді Көрнекі сурет

Синоптиктер Қазақстанда демалыс күндері болатын ауа райын болжады. 29-30 шілде аралығында оңтүстікте, оңтүстік-шығыста және оңтүстік-батыста демалыс күндері жауын-шашынсыз өте қатты ыстық ауа райы күтіледі деп, хабарлайды Today.kz «Қазгидромет» РМК-ға сілтеме жасап.

Күндізгі уақытта термометр көрсеткіштері 35-40 градус, кей жерлерде 43 градусқа дейін көтеріледі.

«Қазақстанның батысында атмосфералық фронттардың өтуіне байланысты 31 шілдеде ыстықтың қайтуы күтіледі, бірақ демалыс күндері және кей жерлерінде 37-41 градус ыстық болады. Республиканың солтүстік, орталық және шығыс аудандарында жаздың жылы ауа райы болып, найзағаймен жаңбыр болады, найзағай кезінде дауылды жел күтіледі»,- деп атап өтті «Қазгидромет» РМК.

Қазақстанның барлық территориясында ауа температурасы климаттық нормадан 3-7 градус жоғары болады деп күтіледі.

Қатты ыстыққа байланысты Қазақстанның кейбір облыстарына дауылдық ескерту жарияланды. Өңірлерде ауа температурасы  43 градусқа дейін көтеріледі.

Загрузка...