1348

"Қазақавтожолдың" Қарағандыдағы басшысы тұтқындалды

Пара алды деген күдікке басшысымен қатар орынбасары да ілінді.
Фотография - "Қазақавтожолдың" Қарағандыдағы басшысы тұтқындалды Сурет ашық дереккөзден алынды

"Қазақавтожолдың" Қарағанды бөлімінің басшылығы пара алды деген күдікпен тұтқындалды. Тергеу барысында белгілі болғандай, бөлім директоры Ғаділ Мұқанов пен оның орынбасары Ержан Отаров жекеменшік компаниядан 17 миллион теңге алған, деп хабарлайды Today.kz сыбайлас жемқорлыққа қарсы іс-қимыл жөніндегі Ұлттық бюроның баспасөз қызметіне сілтеме жасап. 

Сыбайлас жемқорлыққа қарсы бөлімнің мәлімдеуінше, ақшаны "Ақжол ДС" ЖШС-ының өкілдері "Қызылорда-Қарағанды-Павлодар автожолдарының жөнделген жұмыстары актісіне қолдың еш кедергісіз қойылуы үшін" берген. 

15 қыркүйекте пара беріліп жатқанда жоғарыда аты аталған тұлғалар тұтқындалып, Қарағандыдағы уақытша қамау абақтысына жабылды. 

16 қыркүйекте күдіктілер сот санкциясы бойынша қамалды. 

Сотқа дейінгі тергеу жалғасуда.