ҚР Президенті ҚР ІІМ-нің төтенше жағдайлар комитетінің жаңа белгісі мен символын бекітті. Мемлекет басшысының жарлығы Ақорданың ресми сайтында жарияланды, деп хабарлайды Today.kz.

«Азаматтық қорғау туралы» 2014 жылғы 11 сәуірдегі Қазақстан Республикасының Заңы 12-бабының 2-тармағына сәйкес ҚАУЛЫ ЕТЕМІН:

1. Қоса беріліп отырған:

1) азаматтық қорғау саласындағы уәкілетті орган ведомствосы жалауының;

2) азаматтық қорғау саласындағы уәкілетті орган ведомствосы рәмізінің;

3) азаматтық қорғау саласындағы уәкілетті орган ведомствосының аумақтық бөлімшелері жалауларының;

4) азаматтық қорғау саласындағы уәкілетті орган ведомствосының білім беру ұйымдары жалауларының сипаттамалары бекітілсін.

2. «Мемлекеттік өртке қарсы қызмет органдары жалауларының сипаттамасын бекіту туралы» Қазақстан Республикасы Президентінің 2014 жылғы 25 шілдедегі №867 Жарлығының (Қазақстан Республикасының ПҮАЖ-ы, 2014 ж., № 46-47, 459-құжат) күші жойылды деп танылсын.

3. Осы Жарлық алғашқы ресми жарияланған күнінен кейін күнтізбелік он күн өткен соң қолданысқа енгізіледі", - делінген қаулыда. 

Құжатқа 2017 жылдың 15 қыркүйегінде қол қойылған. 

Жарлыққа қосымшаны мына жерден көруге болады.