845

Қазақстанда тағы үш күн аяз болады

Суық антициклон алдағы үш тәулікте Қазақстаннан кетпей, республиканың көптеген облысына орныққан қатты аяз әлі сақталады.
Фотография - Қазақстанда тағы үш күн аяз болады Көрнекі сурет

Суық антициклон алдағы үш тәулікте Қазақстаннан кетпей, республиканың көптеген облысына орныққан қатты аяз әлі сақталады, деп хабарлады "Қазгидромет" РМК. Бұл туралы "Интерфакс-Қазақстан" агенттігі жазды. 

Синоптиктердің ақпары бойынша, өткен тәуліктерде орталық, оңтүстік-шығыс және оңтүстік облыстардың кей жерлерінде ауа температурасы климаттық нормадан 3-8 градус төмен, ал солтүстік пен шығыста 10-18 градус, қиыр шығыста нормадан 20-23 градус төмен болды.

Сол уақытта, республиканың батыс облыстарында оңтүстік-батыс тропосфералық ағынның әсерінен, Иран мен Қара теңіз аудандарынан жылы ауа келіп, бұл осы жерлерде ауа температурасын нормадан 3-5 градусқа жоғары көтеруде.

Қаңтардың 25-27 күндері батыс пен оңтүстікте кей жерлерде төменгі боран, екпіні 23-28 м/с,15-20 жел соғып, бұл 200-500 метрге дейін көруді нашарлатады.

Қазақстанның үш облысында болжанатын қатты желге орай, дауылды ескерту жарияланды. Қызылорда облысында 24-і күндіз, 25-27 қаңтарда тәулік бойы шығыс, солтүстік-шығыс желі кей жерлерде 18-23, кей уақыттарда екпіні 30 м/с және артық күйінде сақталады.

Ақтөбе облысында 24-і күні күндіз, 25 қаңтарда тәулік бойы кей жерлерде оңтүстік-шығыстан соққан желдің күші 18-23, кей уақыттарда екпіні 30 м/с және одан аса сақталады.

Оңтүстік Қазақстан облысында 25-27 қаңтарда кей жерлерде солтүстік-шығыстан соққан желдің күші 18-23, кей уақыттарда екпіні 30 м/с болуы мүмкін. 

Загрузка...