716

Қарағандыда сәби өлімі үшін кінәлі емханадан 1 миллион теңге өндірілді

Қарағандыда жаңа туған сәбиінің өмірін сақтап қалмаған емxана қызметкерлерін ата-ана сотқа берді.
Фотография - Қарағандыда сәби өлімі үшін кінәлі емханадан 1 миллион теңге өндірілді Көрнекілік сурет

Қарағандылық Анна Терзи және оның жолдасы Дмитрий жаңа туған сәбиінің өмірін сақтап қалмағаны үшін қалалық емханадан миллион теңге өндіріп алды, деп xабарлайды Today.kz.

"Мен жүктілігімнің отыз бірінші аптасында 2017 жылдың 26 маусымында облыстық клиникалық емxанаға жеткізілдім. Қан қысымым жоғары еді. Маған қан қысымын төмендететін дәрі берді, бірақ ол көмектескен жоқ. Бір апта ішінде жағдайым нашарлай бастады. 2 шілдеде мен есімді жоғалттым. Бұл жағдайдан кейін құрсағымдағы баламның жүрегі тоқтап қалды. Біз баламыздан айырылдық", – деді Анна Терзи Today.kz тілшісіне.

Фото -

Қарағандылық ерлі-зайыпты денсаулық сақтау басқармасына наразылығын білдірген. Артынша арнайы комиссия құрылған. Олар барлық қателік Анна Терзи есепте тұрған емxанадан кеткен деген шешімге келген. 

"Дәрігерлер баламның өлімі туралы xабарлағанда есімнен тана жаздадым. Екі күн бойы құрсағымдағы өлі баламмен жан сақтау бөлімінде жаттым", –дейді Анна. 

Ерлі-зайыпты моральдық шығын үшін емханадан он миллион теңге талап еткен. Алайда Қазыбек би аудандық №2 сотының судьясы Алуа Қалияқасова арызданушы есепте тұрған емханадан бір миллион теңге көлемінде өтемақы өндіру туралы үкім шығарды. 

Арызданушы тарап үкіммен келіспей, сотқа қайта арыз бермекші. 

Загрузка...