2224

Күнде отырып алып Абайдың сөздерін латын әліпбиімен жазамын – Назарбаев

Нұрсұлтан Назарбаев жаңа әліпбимен жазып жүргенін айтты.
Фотография - Күнде отырып алып Абайдың сөздерін латын әліпбиімен жазамын – Назарбаев Сурет: akorda.kz

Қазақстан Республикасының Президенті Нұрсұлтан Назарбаев жаңа әліпбимен жазып жүргенін айтты, деп хабарлайды Today.kz

Президент бұл пікірін "Жаңа гуманитарлық білім. Қазақ тіліндегі 100 жаңа оқулық" жобасының аясында өткізілген оқулықтарды таныстыру шарасында жеткізді. 

"Барлық хандарымыз осындай қала салуды армандап кеткен. Ол арманға біз жеттік. Үшіншісі ешкімнің ықпалынсыз тәуелсіз, егемен ел ретінде ешкімнің мәжбүрлеуінсіз, өз еркімізбен әліпбиімізді, жазуымызды таңдадық. Әр елдің тарихында мұндай мәселе есте қаларлық үлкен оқиға саналады. Біз еліміз көш басында болсын, ана тіліміз кемелдене түссін деп осыны жасадық. Қазір оны бекіттік. Енді ептеп-ептеп енгізуіміз керек. Өзім де күнде отырып алып Абайдың сөздерін, ойларымды сол әліпбимен жазамын. Меніңше, онша қиын емес. Мектепте осылай үйрендік қой. Жаңа әліпбиді өте тез енгіземіз деп ойлаймын", – деді Назарбаев. 

Айта кетейік, Астанада "Қазақ тіліндегі 100 жаңа оқулық" жобасы аясында аударылған алғашқы кітаптардың таныстырылымы өтіп жатыр. 

Назарбаев қазақ халқы әлемге өз мәдениетін, өз тарихын паш еткісі келетінін, бұған ешкім таңғалмауы тиіс екенін айтты

Сондай-ақ дін өкілдеріне әлемдік діндердің шығу тарихын оқуға кеңес берді

Загрузка...