1248

Ақышев "7-20-25" бағдарламасы бойынша қалай баспана алуға болатынын түсіндірді

ҚР Ұлттық банкінің басшысы Данияр Ақышев "7-20-25" ипотекалық бағдарламасы бойынша қалай баспана алуға болатынын қадам-қадамымен айтты.
Фотография - Ақышев "7-20-25" бағдарламасы бойынша қалай баспана алуға болатынын түсіндірді Көрнекі сурет

ҚР Ұлттық банкінің басшысы Данияр Ақышев "7-20-25" ипотекалық бағдарламасы бойынша қалай баспана алуға болатынын қадам-қадамымен айтып берді. Ақышев бұл ақпаратты сенаттағы парламент тыңдалымында жариялады, деп хабарлайды Today.kz тілшісі. 

"7-20-25" бағдарламасына қатысу үшін азаматтарға не істеу керектігін қысқаша айтып өткім келеді. Біріншіден, әлбетте, азамат сатып алғысы келетін үйін таңдауы керек. Баспананың бағасы айқындалады. Мысалы, Астана, Алматы, Ақтау және Атырау қалалары үшін баспана ең көп дегенде 25 миллион теңге тұрады, басқа аймақтар үшін баспананың максималды бағасы 15 миллион теңгенің шамасында болады", – деп мәлімдеді ол. 

Еліміздің бас банкирі құжат жинау ісінің де маңызды екенін айтты. 

"Екіншіден, азамат қажетті құжаттарды жинап банкке барып, арыз жазуы керек. Біз қажетті қаржылай көрсеткіші, дамыған бөлімдер жүйесі, азаматтарға қызмет көрсету сапасы дамыған банктерді жақында анықтаймыз. Сосын қажетті құжаттар тізімін де шығарамыз", – деді ол. 

Үшінші қадам – азаматтың алған несиесін төлей алатындай кірісі болуы тиіс. 

"Төртіншіден, біз әзірге мына жайтты қарастырып жатырмыз: меншігінде баспанасы болмауы тиіс. Ұлттық банк бұл қағидаларды түсіндіру жұмыстарына бар күшін салады, жұртпен ақылдасуға әзірміз", – деді Ұлттық банк төрағасы, 

Естеріңізге салайық, 2018 жылдың 5 наурызында Нұрсұлтан Назарбаев ипотекалық несие беруге жаңа жүйе енгізуді тапсырды. Ол жүйенің аты – "7-20-25": 7 пайыз сыйақы, баспана құнының 20 пайыз төлемі, 25 жыл – несие төлеу мерзімі.

Загрузка...