873

Ақышев БЖЗҚ-ны қаржы пирамидасымен салыстырған сарапшыны сотқа беруі мүмкін

Айман Тұрсынхан басылымдардың біріне берген сұхбатында бес жылдан кейін БЖЗҚ-да қаржы қалмайтынын мәлімдеген еді.
Фотография - Ақышев БЖЗҚ-ны қаржы пирамидасымен салыстырған сарапшыны сотқа беруі мүмкін Сурет: kapital.kz

ҚР Ұлттық банкінің басшысы Ұлттық жинақтаушы зейнетақы қорын қаржы пирамидасымен салыстырған сарапшы Айман Тұрсынхан өз сөзіне дәлел келтірмесе, сотқа жүгінбек, деп хабарлайды Today.kz. Бұл туралы Данияр Ақышев парламент мәжілісіндегі отырыстан кейін айтты. 

"Бұл мәселені қарастырып жатырмыз, сарапшы сөзіндегі анықталмаған ақпаратты қараймыз. Егер ол сөзін жоққа шығармаса немесе сәйкес дәлел көрсетпесе, сотқа жүгінуге құқылымыз. Өйткені сұхбатта зейнетақы қоры банк секторын қалпына келтіру үшін қолданылғаны айтылды. Бұндай дерек болған жоқ, оның үстіне шындыққа сәйкес келмейтін сандар мен кіріс деректері көрсетілген", – деді Ақышев. 

Естеріңізге салайық, ҚР ұлттық экономика министрлігі сарапшылар кеңесінің мүшесі, сарапшы Айман Тұрсынхан басылымдардың біріне берген сұхбатында бес жылдан кейін БЖЗҚ-да қаржы қалмайтынын мәлімдеген еді. Ол БЖЗҚ-ның қызметін "МММ" танымал қаржы пирамидасымен салыстырып өтті. 

Загрузка...