1845

Алматыдағы мұз айдынына Денис Теннің есімін беру үшін қол жиналып жатыр

Петицияға қазақстандықтар ғана емес, басқа елдің азаматтары да қол қоя алады.
Фотография - Алматыдағы мұз айдынына Денис Теннің есімін беру үшін қол жиналып жатыр Сурет: sputniknews.kz

Қазақстандықтар Алматыдағы мұз айдынына марқұм Денис Теннің есімін беру үшін қол жинап жатыр, деп хабарлайды Today.kz.

"Денис Тен қазақстандық мәнерлеп сырғанаудың беткеұстары болды, елімізде спорттың осы түрінің негізін қалады, Қазақстанның халықаралық спорттық имиджінің нығаюына үлкен үлес қосты, бүкіл өмірін өз елінің дамуына арнап, шығармашыл жастарға, жас спортшылар мен өзінің отандастарына шабыт берді. Біз, Қазақстан азаматтары, қазасы біздің елімізді ғана емес, бүкіл әлемді есеңгіретіп тастаған ұлы мәнерлеп сырғанаушының есімін беріп, оған құрмет көрсету дұрыс шешім деп ойлаймыз", – делінген петицияда. 

Петицияға қазақстандықтар ғана емес, басқа елдің азаматтары да қол қоя алады. Оған қол қою үшін сілтемеге өту керек. 20 мыңнан аса қол жинау қажет. 

Айта кетейік, танымал қазақстандық мәнерлеп сырғанаушы Денис Тен 2018 жылдың шілдесінде Алматыда өлтірілді. Спортшыны көлік тонаушылар пышақтап кеткен еді.

Загрузка...