2954

Қасым-Жомарт Тоқаев Қазақстанда Президент сайлауы өтетін мерзімді жариялады

Президент бұл шешімді Елбасы Нұрсұлтан Назарбаевпен ақылдасқан түрде қабылдаған.
Фотография - Қасым-Жомарт Тоқаев Қазақстанда Президент сайлауы өтетін мерзімді жариялады Сурет ашық дереккөзден алынды

Мемлекет басшысы Қасым-Жомарт Тоқаев республикалық арналар эфирінен халыққа үндеу жасап, 2019 жылдың 9 маусымында кезектен тыс президент сайлауы өтетінін мәлімдеді, деп хабарлайды Today.kz.

"Еліміздің Конституциясына сәйкес Қазақстан Республикасы Президентінің кезектен тыс сайлауын 2019 жылдың 9 маусымында өткізу туралы шешім қабылдадым", – деді Тоқаев.

Президент бұл шешімді Елбасы Нұрсұлтан Назарбаевпен ақылдасқан түрде қабылдаған.

"Президент лауазымына кіріскеннен бастап өңірлерді аралап жүрмін. Халықтың көңіл-күйін жақсы білемін. Зиялы қауыммен, еңбек ұжымдарымен, бизнес өкілдерімен, инвесторлармен, халықаралық тұлғалармен кездестім. Біз Елбасының сара жолымен жүреміз. Халқымыз – біртұтас. Тәуелсіздігіміздің ең жоғары құндылығы ретінде мемлекетіміздің іргесі мығым. Алдағы Президент сайлауы осыған дәлел болуы керек. Сондықтан, елдегі қоғамдық-саяси келісімді қамтамасыз етіп, алға басу үшін, әлеуметтік-экономикалық мақсат-міндеттерді лайықты жүзеге асыру үшін бізге айқындық қажет. Оның үстіне, әлемдегі ахуал бұлыңғыр болып тұр. Бұл Отанымыздың қауіпсіздігіне сын-қатер әкелуі мүмкін. Ішкі және сыртқы саясаттағы сабақтастық пен тұрақтылықты сақтап, Елбасы ұсынған әлеуметтік бағдарламаларды ойдағыдай сәтті әрі тиімді іске асыруымыз керек.  Ол үшін аталған тағдырлы шешімді қабылдадым", – деді Қасым-Жомарт Тоқаев. 

Загрузка...