834

Білім және ғылым вице-министрі тұтқындалды

Нұр-Сұлтан қаласы сотының шешімімен Эльмира Суханбердиева қамалды.
Фотография - Білім және ғылым вице-министрі тұтқындалды Сурет: atpress.kz

Нұр-Сұлтан қаласы ауданаралық тергеу сотының шешімімен білім вице-министрі Эльмира Суханбердиева тұтқындалды, деп хабарлайды Today.kz елорда сотының баспасөз қызметіне сілтеме жасап. 

"Нұр-Сұлтан қаласы мамандандырылған ауданаралық тергеу соты күдікті Суханбердиева Эльмира Амангелдіқызына қатысты екі айға қамауға алу шарасын санкциялады, яғни 2019 жылдың 2 тамызына дейін", - деді соттың баспасөз қызметі. 

Айта кетейік, вице-министрге қатысты іс қозғалды. Сотқа дейінгі тергеуді Ұлттық бюро жүргізіп жатыр.