463

Қасым-Жомарт Тоқаев президент ретіндегі басты мақсатын атады

Бүгін елордада Президентті ұлықтау рәсімі өтті.
Фотография - Қасым-Жомарт Тоқаев президент ретіндегі басты мақсатын атады Сурет: toqayev_shtaby

Қасым-Жомарт Тоқаев президентті ұлықтау рәсімінде басты мақсатын атады, деп хабарлайды Today.kz.

"Президент ретінде халқымызға мынаны айтқым келеді: еліміздің әр азаматының мүддесін қорғау – менің басты мақсатым. Оларды саяси көзқарастары мен ұстанымдарына қарай бөлуге жол бермеймін. Түрлі саяси және қоғам қайраткерлерінен келіп түскен құнды ұсыныстарды, бастамаларды мен өз жұмысымда міндетті түрде ескеремін. Ашық және әділ жұмыс істеймін. Біз үшін ең маңызды міндет – заңға сай адал қызмет ету. Біздің бір ғана Отанымыз бар! Тағдырымыз бір! Біз халқымыздың жарқын болашағы үшін бәріміз бірге еңбек етеміз", – деді Тоқаев. 

9 маусымда Қазақстанда кезектен тыс президент сайлауы өтті. Сайлауда Қасым-Жомарт Тоқаев 70,96 пайыз дауыспен жеңіске жетті. Екінші орында – 16,23 пайыз дауыс жинаған Әміржан Қосанов. 

Қазақстандықтардың 77,5 пайызы дауыс берді.