789

Айтыс ұйымдастырушылары Ринатты айтыстан алуды сұрады – Жүрсін Ерман

Жүрсін Ерман Ринат Зайытовтың дәл қазір қайда екенінен бейхабар екенін айтты.
Фотография - Айтыс ұйымдастырушылары Ринатты айтыстан алуды сұрады – Жүрсін Ерман Сурет ашық дереккөзден алынды

"Айтыс ақындары мен жыршы-термешілердің халықаралық одағының" төрағасы Жүрсін Ерман Ринат Зайытовтың дәл қазір қайда екенінен бейхабар екенін айтты, деп жазады Today.kz Stan.kz сайтына сілтеме жасап. 

"Ринаттың қазір қайда екенін білмеймін. Туған жері Аягөзге кетіп қалған секілді. Ол 16 маусым күнгі Тарбағатайда өтетін айтысқа қатысуы керек болған, алайда соңғы кездегі жағдайға байланысты Ринатты айтысқа қатысатындардың тізімінен сызып тастады. Айтыс ұйымдастырушылары Ринатты айтыстан алуды сұрады", – деді Жүрсін Ерман.

Айта кетейік, бұған дейін алаңға шыққан Ринатты полицейлер ұстап әкеткен еді. Ринат сайлауда Әміржан Қосановты қолдауға шақырғаны үшін халықтан кешірім сұрады. Кейін өзін полицейлердің босатқанын айтып видео жариялады.