683

Алматы қаласы әкімі аппаратының басшысы тағайындалды

Талғат Сәрсенбаев 1966 жылы туған.
Фотография - Алматы қаласы әкімі аппаратының басшысы тағайындалды Сурет: Алматы әкімдігінің баспасөз қызметі

Талғат Сәрсенбаев Алматы қаласы әкімі аппаратының басшысы болып тағайындалды, деп хабарлайды Today.kz. 

Талғат Сәрсенбаев 1966 жылы туған. 1987 жылы Қарағандыдағы КСРО ІІМ-нің жоғары мектебін, 2015 жылы Назарбаев Университетінің Жоғары бизнес мектебін басшыларға арналған Executive MBA бағдарламасы, Duke University's Fuqua School of Business бірлескен бағдарламасы бойынша бітірген.

Әр жылдары құқыққорғау органдарында істеген, жоғары оқу орындарында сабақ берген, ҚР Президенті Әкімшілігінде түрлі лауазымды қызметтер атқарған, Ресей Федерациясындағы Қазақстан Республикасының Елшілігінде кеңесші, ҚР Парламенті Сенатының аппарат басшысы болған, "Самрұқ-Қазына" АҚ жұмыс істеген.

Қазіргі тағайындауға дейін ҚР Үкіметі Кеңсесі басшысының орынбасары - ҚР Үкіметінің ҚР Парламентіндегі өкілі қызметін атқарған.

Заң ғылымының докторы, профессор. Қазақстан Республикасының Құрмет грамотасымен және "Құрмет" орденімен марапатталған.

Өз кезегінде бұрындары осы позицияны атқарған Жігер Қалиев басқа жұмысқа ауысуына байланысты қызметінен босатылған.