502

Зарина Дияс үздік отыздыққа кіруге жақын

Теннистен Қазақстанның бірінші ракеткасы Зарина Дияс әлемдік рейтингте үздік отыздыққа жақындап қалды.
Фотография - Зарина Дияс үздік отыздыққа кіруге жақын

Теннистен Қазақстанның бірінші ракеткасы Зарина Дияс әлемдік рейтингте үздік отыздыққа жақындап қалды. 

Бүгін халықаралық әйелдер теннис қауымдастығы (WTA) жаңарған рейтингті жариялады. Бұл тізімде жерлесіміз 31-ші орынға жайғасқан. Өткен аптада 32-ші сатыда болған Зарина осы қарқынын тоқтатпаса ТОП-30-дың қатарына енуі мүмкін.

Ол қазіргі кезде Аустралиядағы WTA Hobart International турниріне қатысып жатыр. Алғашқы айналымда 27 жастағы испаниялық Сильва Солер-Эспинсоны ұтқан жерлесіміз келесі кезеңге шықты.

Заринадан бөлек, үздік жүздікке Ярослава Шведова енген. Ол қазіргі кезде 63-ші орында тұр.

Әлемдік рейтинггтің көшін америкалық Серена Уильямс бастап тұр. Екінші орында Мария Шарапова, үштікке Симона Халеп жайғасқан.

Загрузка...