Мишель Платини ФИФА президенті сайлауына түсетін болды

Еуропалық футбол қауымдастығы одағының (УЕФА) президенті Мишель Платини Халықаралық футбол федерациясының (ФИФА) президенті сайлауына түсетін болды, деп хабарлады "Р-Спорт".

Платиниді төрт конфедерацияның қолдайтыны аталып өтілді. Олар: Оңтүстікамерикалық футбол конфедерациясы (КОНМЕБОЛ), Солтүстік, Орталық Америка мен Кариб бассейні елдерінің футбол конфедерациясы (КОНКАКАФ), Океания футбол қонфедерациясы (OFC) және УЕФА.

Еске сала кетейік, 1998 жылдан ФИФА-ны басқарған Йозеф Блаттер 29 мамырда бесінші мерзімге сайланған, ал 2 маусымда ол қызметтен кететіні туралы жариялады.