Атырау облысында ауылдық клуб ел чемпиондарын дайындауда

Фотография - Атырау облысында ауылдық клуб ел чемпиондарын дайындауда

Атырау ауылдық округінің жастары бір жыл бұрын ашылған «Каштенбай» спорт клубында спортпен белсенді айналысуда.

197 0

Атырау ауылдық округінің жастары бір жыл бұрын ашылған «Каштенбай» спорт клубында спортпен белсенді айналысуда.
"Біздің ауылда дарынды спортшылар баршылық, бірақ спортпен айналысу үшін клубтар болмады. Қалаға барып айналысуды әркімнің қалтасы көтере  алмайды. Бұрындары маған да қалаға жаттығу үшін барып-келу ауыр болды. Мен 7 жыл джиу-джитсумен айналыстым, Қазақстан чемпионымын. Сондықтан өз білгенімді спортқа қызығушылығы бар балаларға үйретпек болдым. Осы мақсатпен өткен жылы ауылымда спорттық клуб аштым. Қазір бұл жерде балалар белсенді жаттығып жатыр", - деді "Каштенбай" спорт клубының басшысы Азамат Каштенбай.

Қазіргі кезде клубта ауылдың 60 баласы спорттың әр түрімен айналысуда, оның ішінде 15 қыз бала бар. Спортшылардың арасында панкратион бойынша Қазақстан чемпиондары бар. Олар Бейбарыс Оразбек (46 кг салмақ дәрежесі бойынша) пен Ерлан Қабдолов (50 келіге дейін).

Биылғы жылғы ең көлемді спорттық шара ауылдық спартакиада "Ақжайық тарландары" ұранымен өтті. Ауыл тұрғындары арасында қазақша күрес, қол күресі, кір тасын көтеру бойынша сайыстар өтті.

Сайысқа қатысуға 100-ден астам адам тілек білдірген. Қазақша күресте 35 келіден асқан спортшылар және одан асқан 12-35 жас аралығындағылар белдесті. Көрермендер қызықты да тартысты бәсекенің куәгерлері болды. Әр түрлі салмақ дәрежесі бойынша жеңімпаздар Б. Оразбеков, С. Болат пен Н. Бұхарбаев атанды.

"Жыл сайын біздің облыста жергілікті билік ұлттық спорт түрлеріне көңіл бөліп келеді. Қазақша күрес - ұлттық спорт түрлерінің бірі. Біз ұлттық спортты дамытуды қолдаймыз", - деді спартакиада ұйымдастырушыларының бірі Құдайберген Қалиев.

Бұл "Каштенбай" спорт клубының ұйымдастырып отырған алғашқы жарысы емес. Бір жыл ішінде клуб көптеген ірі турнирлер өткізіп үлгерді, олардың бірінде көрші облыстардың спортшылары да қатысты. 

 

 



Загрузка...

Пікір (0)

Input is not a number!
Input is not a email!
Input is not a number!