Бейжіңде ҚХР Төрағасының ҚР Президентін ресми қарсы алу шарасы өтті

Фотография - Бейжіңде ҚХР Төрағасының ҚР Президентін ресми қарсы алу шарасы өтті

Бүгін Бүкілқытайлық халық өкілдері жиыны ғимараты алдында ҚХР Төрағасы Си Цзиньпиннің ҚР Президенті Нұрсұлтан Назарбаевты ресми қарсы алу шарасы өтті.

425 0

Бүгін Бүкілқытайлық халық өкілдері жиыны ғимараты алдында ҚХР Төрағасы Си Цзиньпиннің ҚР Президенті Нұрсұлтан Назарбаевты ресми қарсы алу шарасы өтті.

Екі елдің көшбасшылары өзара амандасқаннан кейін бір бірінің делегация мүшелерімен қол алысты. Осыдан кейін Қазақстан мен Қытай әнұраны ойналып, Н.Назарбаев пен Си Цзиньпин оркестр әуені аясында қызыл кілеммен жүріп өтті және Қытай халықтық азат ету армиясының барабаншылар сапының, әскерлердің үш түрі өкілдерінің шеру маршын қабылдады.

Әдеттегідей ҚР Президентін қолдарында екі елдің туларын ұстаған бүлдіршіндер "Қазақстан" деген ұранмен  қарсы алды.

Бұл Н.Назарбаев пен Си Цзиньпиннің осы жылғы төртінші және ҚХР Төрағасының өз қызметіне кіріскен сәтінен бергі оныншы кездесуі.

Естеріңізге сала кетейік, Н.Назарбаевтың Қытайға мемлекеттік сапары 3 қыркүйекке дейін жалғасады. Бейсенбі күні Елбасы қытай халқының жапон басқыншыларына қарсы соғыстағы жеңісінің 70 жылдығына арналған салтанатты парадқа қатысады.



Загрузка...

Пікір (0)

Input is not a number!
Input is not a email!
Input is not a number!